اللهم ارحم ابي و اسكنه فسيح جناتك.
اللهم اعذه من عذاب القبر.
الفصل التاسع
أحمد بصدمة:نعم يا اخويا تتجوز؟
كريم ببرود: أيوة.
لتنظر له خديجة بلهفة:بجد يا كريم؟ خلاص نويت تسمع كلامي.
ليبتسم كريم إبتسامة عريضة ويردد بتريث:هو انا ليا غيرك يا ست الكل.
ليحرك أحمد رأسه بعدم تصديق ويردد بياس:الغلط مش علي امك بس الغلط عليك يا بيه يا محترم هترمي ولادك وتتجوز؟
ليأخذ كريم نفس عميق ويردد بالمبالاة:وفيها ايه دي يا بابا الشرع محلل أربعة.
ليلوي وجه احمد بضحكة جانبية:والله وانت ماشاء الله عارف في الشرع اوي انت وامك يا شيخ اتقي الله تصدق انت وامك صح روح اتجوز عشان تاخد على قفاك أنا قايم انام سديتوا نفسي ليغادر تحت نظرات خديجة المتهكمة وسرعان ما
نظرت لإبنها وتحدثت بلهفة:سيبك منه يا حبيبي ها هتتجوز رغدة صح؟
ليبتسم كريم بإقتضاب ويردد بنبرة ذات معني:تفتكري هي ممكن توافق عليا.
لتشهق خديجة بإستنكار وتردد بتعالي:نعم ومش هتوافق بيك ليه أن شاء الله.
ليقلب عينيه بملل ويردد بتهكم: رغدة يا أمي لسه بتدرس +أني متجوز ومخلف +اني مش هطلق شمس أصلا.
لترفع إحدى حاجبيها بضيق:نعم مش هطلقها ليه أن شاء الله؟
ليداعب كريم محبسه حول أصبعه ويردد بملل:عشان ولادي قدر فكرت تتجوز اجيب لأولادي جوز ام.
لتبتسم خديجة بتهكم:ومين الي هيفكر يتجوز البومة مراتك أصلا .
ليزفر بملل:ماما مش خلاص هتجوز واعمل الي أنتي عايزاه شيلي شمس من دماغك لو سمحتي.
لتضم حاجبيها بتهكم:والله محسسني اني غصبة عليك.
ليتنهد بنفاذ صبر ويردد بثبات مصطنع:آخر الكلام شيلي شمس من دماغك خالص وأما رغدة فأنا الي هبقي أكلمها.
لتضيق عيناها بحيرة:مع اني مش مرتاحة ليك بس ما علينا……
…….
في اليوم التالي سافرت فيروز وإبنتها برفقة سامر للشرقية بناء علي رغبة ساجد لكن لم تخبر والدتها بشي فقط أخبرتها أنها تريد ان تمكث مع عائلة زوجها قليلا وقابلت هذا سهام بصدر رحب فزوجة إبنها الآخر وحفيدتها سيمكثوا بأحضانها……..
…….
أما عن كريم فأصبح يتقرب من رغدة وكذلك هي فأصبحت تتحجج بعدم الفهم وتذهب إليه ليشرح لها هذا ظاهراً إنما باطنا تحاول خلق أحاديث جانبية مع كريم والذي كان أكثر من مرحب بهذا فهي تفتح الطريق أمامه……
……..
في أحد الأيام يجلس كريم في مكتبه يعمل حاسوبه واستمع لطرق علي الباب ليردد بخشونة: أدخل.
ليفتح الباب وتدخل هي بغنج وتغلق الباب خلفها وتقترب من المكتب وتتحدث برقة:فيه شوية مسائل مش فهماها ممكن تحلها ليا؟
ليبتسم كريم بترحاب:تمام وريني.
لتقترب منه بدلع وتمد يدها بالكتاب وتقف جواره ليمسك هو الكتاب ينظر به بتركيز لتقترب هي منه وتنحني علي وتشتم رائحته بحالمية.
ليلتفت لها بتعجب:ايه رغدة واقفة كده ليه؟
لتعتدل في وقفتها بتوتر:لا عشان افهم يا دكتور.
كريم بإستنكار:تفهمي ايه هو انا شرحت حاجة أصلاً لسه ؟
رغدة بإحراج: سوري يا دكتور.
ليتنهد كريم ويردد بعملية:أقعدي علي الكرسي يلا وركزي.
لتجلس أمامه علي مضض ويبدأ هو بالشرح وهي شاردة به حتي انتهي وردد بتساؤل: فهمتي ولا أعيد تاني؟
لتردد بلهفة:لا فهمت هقوم بقي عشان عندي محاضرة.
ليبتسم كريم بهدوء:ماشي يا رغدة بالتوفيق ولو في حاجة وقفت قدامك تاني تعالي ليا.
رغدة بمرح:أكيد يا كيمو ده بعد إذنك طبعاً.
كريم بإبتسامة: كيمو كيمو المهم يبقي بينا وبس.
رغدة بمرح:أكيد طبعاً متقلقش يلا سلام لتغادر المكتب سريعاً.
ليتنهد كريم بالم ويكمل عمله ليلفت نظره الكتاب الذي أمامه لينهض بتثاقل ويذهب خلفها ليعطيها أياه ليجدها بالفعل تقف مع صديقتها ويضحكون بصوت مرتفع غير منتبهين له ليتجه لهم بالامبالاة ليعطيها كتابها ويعود لعمله ليستمع ما جعل دمائه تفور لينظر لهم باستحقار ويعود لمكتبه مرة آخرى دوم أن يروه ويجلس علي مكتبه شارد فيما سمعه.
فلاش باك.
تضحك رغد بصخب: خلاص بقي زي العجينة في إيدي هانت واكسب الرهان.
لتتحدث ٱحدي صديقاتها بفضول:يعني هتتجوزيه عشان الرهان بتاعك انت ولؤي.
لتتحدث رغدة بغل:مش هو الي سابني وراح خطب البت الملزقة بتاعته أديني هتخطب لدكتور عمري ما هنسي لما جه قالي مش هخطب واحدة مشيت معاها ساعتها اتحديته اني هتجوز الي أحسن منه ومن الصدق أن ام دوك كريم تبقي صاحبة امي وعارفة عنه كل حاجة والموضوع سهل قدامي.
صديقتها الاخري بحزن:ومراته وولاده.
لترفع رغدة كتفيها بالامبالاة:وانا مالي هو انا الي قولت ليه سيب مراتك وعيالك ولا هو الي جري ورايا.
لتردد الاخري بتاكيد:عندك حق سايب مراته وعيالة وبيبص علي طالبه عنده.
رغد بغضب مصطنع:عيب كده يا شهد ده هيبقي جوزي.
لتبتسم الاخري بمزاح:أيوة يا عم هتبقي مرات الدكتور.
لتردد الآخري بمكر: اهم حاجة الامتحانات تجبيها لينا.
رغد بضحك: عنيا.
عوده.
ليفيق من شروده ويردد بتهكم :غبية فاكرة أن حتة عيلة زيها تلعب عليا……
………..
تقلب في طعامها بملل تحت نظرات زوجة أبيها التي تقوم بإطعام شقيقها الأصغر إياد بينما والدها يداعبها قليلا ويداعب شقيقها.
لتردد ليلي بحنان:مش بتكلي ليه يا نور؟
لتتحدث بضيق: الاكل مش عاجبني.
لتنظر لها ليلي بعدم تصديق فهذه أكلتها المفضلة بالفعل لتردد بحيرة:بس أنتي بتحبي المكرونة البشاميل يا نور ايه الي حصل.
لتردد نور بتذمر:بحبها بس أنتي مش بتعمليها طعمها حلو زي بتاعت ماما سمر .
لتزفر ليلي بضيق وتردد بحزن:بس أنتي كنتي بتحبي تاكليها ؟
لم ترد نور إنما رد علي بحزم:طبقك يخلص يا نور وإعتذري من ماما.
لتترك الشوكة وتردد بتذمر:مش هاكل ومش هعتذر ليها وهي مش ماما هي ماما إياد وبس.
ليتحدث علي بلهجة حادة:لا هي ماما وإعتذري حالا يا نور يلا.
لتنظر له بحزن وتلتفت لليلي وتتحدث بحنق طفولي:اسفة.
لتنزل ليلي طفلها أرضاً وتنحني لمستوي نور وتضمها بحب وتردد بحنان:ولا يهمك يا روح مامي تحبي أعمل ليكي حاجة تانية تاكليها.
نور برفض وهي تبتعد عنها:لا هنام لتتجه لغرفتها لتلفت ليلي ببصرها لزوجها بمعني أرأيت.
ليتنهد علي بغيظ وهو يلعن هذه السمر فحقا منذ عودتها وهو يشعر بان طفلته علي غير ما يرام …
.......
إنهت عملها ونظرت في ساعتها وجدت الساعة تخطت الثامنة مساء لتتنهد بضيق فالوقت تأخر ولن تجد ما تستقله في هذا الوقت فالشركة بمكان نائي وزملائها غادروا منذ فترة وظلت هي تنهي عملها حتي تأخذ آجازة بالغد لحضور الحفل الخاص بصغيرتها في الروضة..
لتأخذ أغراضها وتغادر الشركة وتسير قليلاً لعلها تجد شئ يقلها لتتفاجئ بسيارة تقف جوارها لينقبض قلبها بشدة وسرعان ما تنهدت براحة عندما ترجل الشخص من سيارته واتجه لها ويردد بتساؤل:ايه يا مدام شمس مروحة متأخر ليه؟
لتتنهد شمس بتوتر:كنت بخلص شوية شغل عشان اقدر اخد بكره اجازه.
ليرفع إحدي حاجبيه بإستنكار:عشان تخدي بكره إجازة تتأخري بالشكل ده وأنتي شايفة الطريق مقطوع أتفضلي اركبي اوصلك.
شمس برفض:لا يا مستر وليد شكراً لحضرتك هكمل أنا مشي.
ليبتسم بتهكم: أنا لو مشيت وسيبتك مش هتلاقي حاجة تركيبها أصلا يلا يا مدام متقلقيش مش هخطفك يعني ليتجه السيارة مرة آخري تحت نظراتها الساخطة فهو معه كل الحق فالطريق غير امن بالمرة وأيضاً لن تجد ما يقلها في هذا الوقت المتأخرة لتحسم أمرها وتركب الي جواره تحت نظراته المتسلية ليبدأ في قيادة السيارة بعد أن املته العنوان وحاول جذب حديث معها بشتي الطرق ولكنها كانت تقوم بالرد بإقتضاب حتي وصلوا لمنزلها لتترجل من السيارة وهي تشكره لتتفاجئ ب........
يتبع ……..
بقلم زينب سعيد القاضي
ررررررررروعه
ردحذفرووووووعه تسلم ايدك ياحبيبتي
ردحذفوااااو طبلت على شمس اكيد كريم هما الاتنين حظهم مع بعض هباب روعة زوزو تسلم اناملك
ردحذفجميل
ردحذفروووووعة كالعادة تسلم ايدك الفصل جميل جدا
ردحذفروعة
ردحذفرؤعه سلمت يداكى
ردحذفإرسال تعليق
أترك تعليقا