اللهم ارحم ابي و اسكنه فسيح جناتك.
اللهم أجعل قبره روضه من رياض الجنه.
الفصل الثاني عشر
معاذ بعدم تصديق:مين الي حامل ؟
الطبيبة بضحك:رنا مراتك عارفة أنها صدمة أنا نفسي مصدومة زيكم بس مافيش حاجة صعبة علي ربنا.
لينظر معاذ لرنا التي تبكي بصمت ليتحدث بفرحة وعيون دامعة :انتي سامعة الدكتورة يا رنا ! انتي حامل.
رنا بدموع: الحمد لله يا رب الف حمد وشكر لله .
الطبيبة بإبتسامة:ايه بس صلوا علي النبي لسه في مفاجأة تانية.
معاذ بخوف:هو الجنين فيه مشكلة؟
الطبيبة للشاشة:لا هما الاتنين بخير.
معاذ بعدم فهم:مش فاهم؟
الطبيبة بإبتسامة:مدام رنا حامل في توائم في كسين ممكن أتنين أو اكتر .
لم يكن رد فعل معاذ الي انا سقط معاذ ساجد والدموع تسيل على وجنتيه.
......
يركن السيارة أما الشركة التي علم عنوانها من سامر استرجاع من السيارة متجها الإستقبال يسأل عن مكتب مدير الشركة ليصعد ويقتحم المكتب وخلفه السكرتيرة التي تتحدث بعصبية معه.
لينهض الآخر من علي مكتبه ويغلق أزرار بذلته ويحدث السكرتيرة بأمر:اتفضلي انتي يا أنسة شوفي شغلك.
لتتجه السكرتيرة للخارج ويقف وليد في مواجهة كريم بتحدي.
ليردد وليد بإستفزاز:خير يا دكتور ايه سر الزيارة الكريمة دي ايه ؟
كريم بتحدي:عايز ايه يا وليد بالظبط ؟
وليد ببراءة مصطنعة : هو انا الي عايز ايه انت الي جاي ليا شركتي مش أنا.
كريم بغضب:وليد فكك من الشويتين دول وقولي عايز ايه من مراتي ؟
ليردد وليد بالمبالاة:وانا هعوز ايه من مراتك يعني ؟ مراتك
بتشتغل عندي وبعدين هي تهمك في ايه مش انتوا هتطلقوا ده انا سمعت حتي انك مصاحب طالبة عندك ليكمل بجراءة بس بصراحة ذوقك وحش اوي في حد عاقل يسب واحدة موزة زي مراتك ويبص للعيلة دي ؟
ماكان رد كريم الي أن انقض عليه ضربا وأصبحت أصواتهم عالية مما جعل السكرتيرة تفتح الباب وتقوم بطلب الأمن وكذلك تجمع الموظفين ومن ضمنهم شمس التي ما أن رأت زوجها اتجهت له بلهفة تبعده عن وليد لكن أبعدها عنه بقسوة جعلتها تسقط أرضاً علي ذراعها.
ليصل الأمن اخيرا ويستطيعون الفصل بينهم والإمساك بكريم.
ليقف وليد ويحاول أن يعتدل ويتحدث بأمر:طلعوا الكلب ده بره ولو دخل الشركة تاني هيبقي اخر يوم ليكم هنا.
لينفض كريم ذراعيه ويتجه لزوجته يساعدها علي النهوض ويردد بتحذير:لو قربت من مراتي تاني مش هرحمك يا وليد.
ليتحدث وليد بتهكم:ويا تري رأي مراتك ايه لما تعرف انك بتحب طالبة عندك وتتجوزها ؟
لينظر كريم لشمس بتوجس والتي لم يكن ردها غير أن سقطت أرضاً مغشياً عليها ليتلقفها كريم بلهفة بين ذراعيه وكذلك ينقبض قلب وليد ليحملها كريم بلهفة ويغادر سريعاً وخلفه وليد الذي يؤلمه قلبه عليها بشدة ليته قابلها قبل كريم لكانت ملكه هو الآن......
.........
بعد فترة يجلس معاذ أمام الطبيبة وهي تمليهم ما عليهم فعله.
ليردد معاذ بخوف:يعني هما بخير ورنا كمان بخير؟
الطبيب بإبتسامة: الحمد لله بخير المهم الفترة دي الراحة التامة والتغذية التعب الي عندك مافيش منه أي ضرر ده طبيعي في الاول.
رنا بلهفة:كل الي هتقولي عليه هنفذه يا دكتورة المهم أنهم يبقوا بخير.
الطبيبة ببشاشة:بإذن الله هيبقوا بخير وهتقومي بالسلامة وتبقي أحلي مامي كمان.
رنا بدموع:يارب يا دكتورة يارب.
لينهض معاذ ورنا ويغادروا.......
.........
في السياره يقود معاذ السيارة ببطئ شديد وجوارها رنا التي تضع يدها على بطنها بسعادة.
ليردد بفرحة:سبحان الله يا رنا عوض ربنا حلو أوي.
رنا برضا: الحمد لله ربنا يكملي بخير .
معاذ بتمني:يارب يا حبيبتي ليكمل بتوتر: هتكلمي طنط تقولي ليها؟
رنا برفض: لا هقول لبابا وبس.
معاذ بقلة حيلة:زي ما تحبي يا حبيبتي..
.......
في المستشفى يقف كريم جوار شمس ويقوم الطبيب بفحصها.
ليتحدث الطبيب بعملية: حضرتك جوزها؟
كريم بتأكيد: أيوة.
الطبيب بإبتسامة: طيب مبدائيا الف مبروك .
كريم بعدم فهم:مبروك علي إيه ؟
الطبيب يإبتسامة: المدام حامل.
كريم بعدم تصديق:حامل؟
الطبيب بعملية:ايوه تعمل التحاليل ونتأكد بس دراعها في الأغلب فيه شرخ هنعرضها لدكتور عظام عشان لو هتتجبس.
كريم بشرود :تمام.
ليخرج الطبيب وينظر كريم لشمس بشرود:حامل ليتنهد بألم فهو ما مقبل عليه مع شمس ليس بالهين والأمر لم يعد طفلين فقط بل زادهم هذا الصغير الذي بأحشائها الأن....
.....
في الخارج يقترب وليد من الطبيب بلهفة ويردد بتساؤل:خير يا دكتور أخبارها ايه ؟
الدكتور بعملية: زي ما قولت لجوزها هي حامل وبالنسبة لدراعها فهيتعمل ليها أشعة ونتأكد الي في أيدها شرح ولا كسر عشان نحدد هيتجبس ولا لا دلوقتي دكتور العظام يجي يشوفها.
وليد بصدمة:تمام.
ليغادر الطبيب وبعدها ينظر وليد للباب بحسرة ويغادر المستشفى بأكملها وهو يلعن حظه العاثر......
.....
بعد فترة يأتي طبيب العظام ويقوم بفحص شمس وتحويلها لقسم الاشعه.
وبالفعل فاقت شمس من النوم لم تتحدث إنما اكتفت بالنظر بعتاب لكريم الذي تهرب ببصره عنها ليتحدث بتوتر:يلا نعمل أشعة علي إيدك.
لتومئ له بصمت ويذهبوا لعمل الأشعة علي ذراعها والذي ثبت وجود شرخ به ليذهبوا لدكتور العظام ويقوم بتجبيسه ويجلس الطبيب ويبدأ بكتابة الروشتة ليتحدث كريم بحذر وهو ينظر لشمس بتوتر:هي حامل يا دكتور.
انتبه الطبيب وكذلك شمس.
ليردد الطبيب بعملية:تمام كويس إنك قولتلي ليكمل كتابة الروشتة.
وبعدها يأخذها كريم ويغادروا.......
.......
تجلس أمام التلفاز وهي تتناول البشار والشوكلت لتقارب منها ليلي وتتحدث بهدوء:مش كفاية Tv يا نور.
نور ببرود لا يناسب سنها:بكره إجازة فاقعد براحتي.
ليلي بنفاذ صبر:نور بطلي الاسلوب ده واتفضلي قومي اعملي الهومورك.
نور ببرود:لا مش هقوم واتفضلي سبيني اتفرج.
ليلي بعصبية:قولت ليكي اسمعي الكلام احسنلك.
نور ببرود:انتي ملكيش دعوة بيا بكره لما اروح لماما سمر هنعمله سوا.
ليلي بغضب:قولت ليكي قومي يلا ومفيش خروج.
لتنهض نور بعصبية طفولية:لا هروح وهقول لبابي إنك زعقتي ليا أنا مش بحبك يا ليلي قالتها الطفلة وغادرت الي غرفتها تحت نظرات ليلي المنصدمة من قولها.......
.......
في الشرقية.
تجلس اسمي برفقة فيروز يتحدثون سويا لتردد فيروز بتساؤل:ايه يا اسمي مالك ساكتة ليه ؟
اسمي بحزن:مصطفي يا فيروز صعبان عليا اوي حاسس بنقص.
فيروز بحزن:مش سهل عليه الي حصل معاه مش سهل بردوا.
اسمي بحزن: صعبان عليا كسرته ومع الأسف مافيش حاجة في أيدي اعملها ليه.
فيروز بهدوء:هو مش محتاج منك غير انك تفضلي جنبه وبس.
اسمي بحزن:ربنا يقدرني اعوضه عن كل حاجة.
فيروز بحزن:أن شاء الله خير.....
....
يتوقف بسيارته وتترجل من السيارة فور وقوفها ليترجل كريم هو الآخر ويغلق السيارة سريعاً ويتبعها للداخل ليركب معها الأسانسير بصمت تام حتي وصلوا للطابق المنشود ليخرجوا سويا ويردد كريم بحذر:ممكن تيجي شقتنا نتكلم سوي وافهمك كل حاجة.
لتنظر له بكسرة:مافيش داعي يا دكتور وألف مبروك علي العروسة هطلب منك طلب واحد واتمني تنفذه مش عشاني لا عشان عيالك التلاتة
كريم بمقاطعة:انتي فاهمة غلط والله يا شمس هفهمك.
شمس بحزم: كلامه صح ولا غلط ؟
كريم بتوتر:صح بس مش زي ما انتي فاهمة.
شمس بحسرة: مش عايزة افهم كل الي عايزاه انك تطلقني وبس.
كريم بصدمة: طلاق ايه شمس أنا مقدرش اعيش من غيرك ولا من غير عيالي.
لتغنض شمس عيونها بحسرة:انت قدرت والي كان كان يا دكتور طلقني وشوف حالك بعيد عننا لتتركه وتغادر لشقة والدتها.
بينما هو يقف بايه لا يدري ماذا يفعل هو من أوقع نفسه بهذه. المغضلة ويجب اصلاح ما أفسده مهمها كلفه الأمر فلا شئ سيعوض أطفاله زوجته مهمها كانت قيمته......
……
يتبع ……
بقلم زينب سعيد
روعه روعه روعة
ردحذفابدااااااااع متتاخريش علينا بتشوقينا دايما يازوزو
ردحذفجميلة أوى أوى
ردحذفروووووعة تسلم إيدك
ردحذفتسلم ايدك ياحبيبتي تحفه
ردحذفتحفة
ردحذفعسل زوزو روووعة تسلم اناملك كل شىء جميل فى الفصل رائع وعظمة 👍👍🌹🌹💞
ردحذفروووووعه بجد
ردحذفررررر ررررررررروعه
ردحذفإرسال تعليق
أترك تعليقا