رواية تضحية ألم الفصل السابع عشر

اللهم أرحم أبي وأغفر له وأسكنه فسيح جناته. 

اللهم اجعل قبره روضة من رياض الجنة. 

                 الفصل السابع عشر

لتفتح بتول الباب وتتفاجئ بآخر شخص تتوقع رؤيته لتبتلع ريقها بتوجس وتدخل تتحدث باحترام:صباح الخير يا دكتور عادل.

عادل ببشاشة: صباح الورد حمد الله على السلامة.

بتول بتوتر وهي عيونها منصبه علي الاخر:الله يسلمك.

ليبتسم الاخر بإبتسامة مشاكسة:ومفيش أزيك يا جاسر ؟

ليبتسم عادل بوقار:بطل رخامة يا واد.

لتنظر لهم بتول بعدم فهم ليردد عادل بتوضيح:البيه يا أبن اختي ليكمل بجدية مكانك لسه موجود يا بتول جاسر من آول ما جه يسأل عنك هنا وانا كنت واثق من براءتك حمد الله علي السلامة يا بتول مكانك لسه موجود معانا يا بنتي أطمني.

لتستقر أنفاسها وتردد بإمتنان :متشكرة لحضرتك يا دكتور ومتشكرة ليك يا جاسر بيه.

 جاسر بإبتسامة:العفو علي ايه .

عادل بإبتسامة:يلا بقي روحي شغلك يلا وريني شطارتك.

بتول بحماس:حاضر يا دكتور بعد إذنكم.

عادل بإبتسامة:اتفضلي.

لتغادر بتول سريعاً لينظر عادل بإبتسامة ذات معني لجاسر الذي ردد بضحك :لا مش الي في دماغك.

عادل بمشكاسة :وايه الي في دماغي يا أبن أختي.

ليلاعب جاسر حاجبيه بمكر:مش هقولك المهم عملت ايه مع البيه ؟

ليزفر بضيق:مطلع عيني هيخطب واحدة زميلته في الشغل.

ليضم حاجبيه بحيرة:طيب ليه ؟ قالك دورلي علي عروسة مش فاهم.

ليرفع عادل كتفيه بحيرة: معرفش بصراحة تعبت منه حاسس كأنه ليهرب من حاجة وزميلته دي تبقي بنت صاحب المستشفى الي شغال فيها.

جاسر بتفكير:يمكن بيحبوا بعض مثلاً.

ليحرك عادل رأسه بنفي:لا ده دايما كان بيقعد يتريق عليها اشمعني دلوقتي عجبته.

جاسر بحيرة:لولا أني عارف أنه مش في دماغه الفلوس كنت قولتك باصص لفلوسها مثلاً.

ليزفر عادل بضيق:مش عارف يا جاسر مش عارف.

جاسر بتفهم:سيبه براحته يعمل الي هو عاوزه.

عادل بقلة حيلة:مقدميش غير كده.

جاسر بإستئذان:طيب همشي أنا سلام.

……….

عند بتول.

إرتدت زيها وبدأت في ممارسة عملها بإبتسامة مشرقة لتقابل زياد في طريقها ليردد بحماس:أيوة كده المستشفى نورت يا تولا.

بتول بخجل وحزم:معلش يا دكتور مينفعش كده.

زياد بغزل:هو ايه الي مينفعش ؟

بتول بحزم:أنا اسمي بتول.

زياد بخبث: طيب وانا قولت ايه ضايقك كده ؟

بتول بخجل:تولا ميصحش كده.

زياد بمزاح:بدلعك ودي فيها ايه يعني لو قولتيلي يا زيزو هزعل ؟ ده انا أتمني.

بتول بحزم:حضرتك مينفعش كده بعد إذنك لتتحرك من أمامه ليمسكها من ذراعها بسرعة.

لتنظر له بتول شذرا وتجذب ذراعها بلهفة وتصيح بإمتعاض:ازاي تتجرأ تمسك أيدي ؟ حضرتك فاكرني إيه ؟

زياد بإرتباك:أسف مقصدش بس كنت بوقفك وياستي أنا آسف مش هناديكي غير ببتول او مس زي ما تحبي يا ستي.

بتول بهدوء :تمام بعد اذنك اشوف شغلي.

زياد بلهفة:طيب ممكن تلفي معايا علي المرضي ؟

بتول برفض:لا لازم مس عايدة الي تبلغني بده بعد إذنك.

لتغادر بتول تاركة أياه يتأكل غيظاً من فعلتها.

بينما علي الجانب الآخر يبتسم بتسلية ويرتدي نظارته الشمسية  ويغادر……

……..

أمام كلية التجارة.

يقف في إنتظار خروجه منذ آخر إشتباك بينهم فهي ترفض محادثته وبعدها حدث ما حدث لتشق إبتسامة عريضة علي شفتيه عندما يجدها تخرج مع رفقاتها ليتجه لها سريعاً ويردد باعتذار:ممكن نتكلم شوية يا هند.

لتردد هند ساخرة:المكان هنا ميناسبش ساعتك يا بشمهندس

.

باسل بغيظ:بطلي رخامة بقي.

لتتحدث أحدي رفقاتها بمزاح: خلاص بقي الواد رفع الراية البيضاء يا جميل وبصراحة الواد قمر كده وكيوت سامحيه.

لتردد هند ساخرة:والله طيب أتفضليه يا اختي اشبعي به.

ليرفع باسل أحدي مستنكراً:لا والله علي أساس اني طبق كشري .

لتردد هند بتهكم: ياريتك كنت طبق كشري يا شيخ أفيد منك.

ليصيح باسل بإمتعاض:هند كفاية كده أن اه بحبك بس الي بتعمله ده مينفعش ولو مش قابلة إعتذاري براحتك بعد إذنكم.

ليغادر من أمامهم لتتحدث صديقه الأخري تراقب الموقف بعتاب:انتي غلطي يا هند.

هند بضيق: بصراحة كنت مضايقة منه أوي.

صديقاتها بعتاب:طيب انتي احرجتيه قدمنا وده مينفعش روحي يلا وراه حلو مشاكلكم سوا.

لتنظر لها بتردد لتصيح بها بحماس:يلا يا هند روحي مستنية أيه يلا.

لتتحرك هند خلفه بخطي سريعة بينما تتحدث صديقاتها الأخري بضيق:مش عارفه ايه الي عجبه فيها ده الواد مهندس وقمر عنها.

لتنظر لها صديقاتها شذرا:ايه الي بتقوله ده انتي ناسية أنها صاحبتك وده الشخص الي بتحبه يا شهد ؟

شهد بإمتعاض: بصراحة بقي الواد خسارة فيها في يا نهال .

نهال بنفاذ صبر:ايه الهبل بتاعك ده انتي بتهزري صح ؟ 

اصل لو مش بتهزري تبقي مصيبة ازاي صحبتك وتحقدي عليها الحقد ده كله ؟

لتزفر شهد بملل :هحقد فيها علي ايه لتكون أحلي مني ولا حاجة ؟ ولا أهلها احسن من اهلي.

لتردد نهال بنفاذ صبر:يبقي خلاص تبطلي الهبل ده ويلا نمشي .

شهد بضيق مستتر:يلا…..

……

تركض خلفه وتصيح بعصبية:أقف بقي يا باسل وبطل لعب 

العيال ده.

ليتوقف فجاه وينظر لها مستنكرا وهو يشير علي نفسه:بقي أنا الي بلعب ؟ والله انا الي واقف قدام صحابي و عمال أهزأ فيكي وإستحملت وسكت  قولت زعلانة لكن تحرجيني بالشكل ده مسمحش به.

هند بأسف: خلاص بقي حقك عليا أنا كنت متضايقة منك بصراحة.

باسل بعتاب:حتي لو مشاكلنا نحلها سوا يا هند .

هند بإبتسامة جذابة:ماشي يا سيدي لتكمل بتحذير بس تقلل مني ومن كليتي ساعتها متلومش غير نفسك.

ليرفع يده بمزاح :حرمت يا بيه.

هند بإبتسامة:ماشي يا سيدي عفونا عنك.

باسل بلهفة:طيب ايه رأيك نتمشي شوية وبعدين نروح ؟

هند بتفكير: ايه رايك نزور هنا ؟

باسل بايجاب: تمام يلا بينا……

……...

تخرج من الكلية بضجر فاليوم مكدس لديها بالسكاشن العملي لتتفاجئ بمازن أمامها لتزفر بضيق: أهلا.

مازن بإبتسامة: إخبارك يا حلا ؟

لتزفر بضيق: الحمد لله لو عايز سهيلة فهي مجتش النهاردة.

ليردد مازن بالامبالاة: أنا مش جاي ليها اصلا.

لتردد حلا بملل:طيب ممكن أمشي عشان اروح أشرب حاجة قبل ميعاد محاضرتي.

ليردد بلهفة:اوي اوي نشرب سوا أنا عزمك.

لتنظر له بإستنكار:عازمني ؟ لا متشكرة ولو سمحت عديني.

ليستشيظ غيظاً مرددة بحنق : اشمعني أنا لا أكمني معنديش عربية زي فريد مش قد مقام ساعتك.

لتضيق حلا عينها مرددة بحنق:بقولك ايه أنا وفريد قصتنا خلصت وحضرتك ملكش كلام معايا أصلا الي بينا صاحبتي وبس سلام لتزيحه جانباً وتمر من جواره ليضغط علي شفتيه بغيظ ويغادر هو الآخر……..

………

يفتح باب الغرفة كعادته ليتفاجئ بها دون غطاء الرأس ليغض بصره ويخرج سريعاً وينادي إحدى الممرضات ويعطيها شئ بيدها ويطلب منها شيء وبالفعل دقائق ودخلت الممرضة غرفة هنا وقامت بوضع غطاء الرأس مرة أخري علي رأسها ودثرتها جيداً ثم غادرة.

ليفتح الباب ويدخل هو يجلس علي الكرسي الي جوارها يردد بإبتسامة:اميرتي الحلوة عاملة ايه ؟ أكيد بتول جت ليكي ليكمل بأسف شدي حيلك بقي عشان تخرجي من هنا ليكمل بحماس ايه رأيك احكيلك شوية عني ؟ شوفي بقي يا ستي اسمي جاسر مصطفى النعماني ٢٨ سنة ليا اخ واحد أكبر مني بسنتين اسمه بيجاد دكتور بشري بس هو حالياً بره مصر أنا يا ستي من الصعيد أبا عن جد بس والدتي من القاهرة اسمها چيهان بس بندلعها بچيچي حتة سكرة أصلا هتحبيها اوي اتعرفت هي وبابا في الجامعة وحبها واتجوزها عقابلنا كده أن شاء الله يا قطتي اكملك بقي دخلت كلية حقوق حبا في القانون مش فشل أنا كنت جايبة ٩٧ % وطبعا كنت الاول علي دفعتي الاربع سنين ولله الحمد اتعينت وكيل نيابة وحالياً قاعد في شقة هنا ويسافر كل فترة لأهلي اهلي بقي يا ستي كل حياتي ووضعنا المادي الحمد لله كويس جداً كده خلصت حكايتي اتمني تكوني أنك تكوني سمعاني أنتي كمان وتحكيلي حكايتك لينظر في ساعته وينهض مستئذا لازم أمشي هجيلك بكره سلام ليتحرك الي الخارج بعد أن ألقي عليها نظره أخيرة لتفتح هي عيونها بعد سماعها اغلاق الباب وتمسح دمعة شاردة وتحدث بالم مع الأسف مبقاش ينفع خلاص.

في الخارج فور ابتعاد جاسر عن الغرفة جاء باسل وهند من الجهة الأخرى ودخلوا غرفة هنا التي ما أن استمعت لفتح الباب أغلقت عيونها لتقترب منها هنا وتقبل جبينها وتردد باشفاق:ربنا يقومك بالسلامة وترجعي وسطنا تاني.

ليقترب باسل هو الآخر يقبل جبينها ويردد بأسف:حقك عليا يا هنا كانت أيدي تتقطع قبل ما تتمد عليكي.

هنا بلهفة: بعد الشر عنك يا باسل.

باسل بحزن:لو مضربتهاش مكنش ده كله هيحصل.

هند برفض:ضربتها أو لا ده مكنش هيحصل ده مقدر ومكتوب وكان هيحصل بيك أو من غيرك.

باسل بحزن:ربنا يقومها بالسلامه بس ده المهم عندي.

هند بإبتسامة:متخفش هنا قوية وهتقوم بالسلامة.

باسل بتمني :يارب يلا عشان نلحق نروح.

لتردد بإبتسامة:يلا بينا ليلقوا عليها نظرة أخيرة ويغادروا.

لتفتح عيونها وتردد بأسي:مقدر ومكتوب كان لازم أشوفه……..

………

في المساء.

حضرت بتول الي هنا بعد أن أخبرت حلا وباسل أنها يتبين معها وبالفعل مكثت جوار هنا طوال الليل داخل أحضان بتول كأنها تستمد قوتها منها….

……..

في الصباح.

تجلس بتول في استراحة التمريض تتناول إفطارها ليطرق الباب ويدخل آخر شخص تتوقع رؤيته في هذه الغرفة والادهي ما يحمله بيده لتصيح بجنون:يا نهار اسود ايه الي جاب حضرتك هنا وايه الي جايبه ده ؟

لينظر لها بإستنكار:جاي اصالح حضرتك وده ورد أحمر.

بتول بعدم تصديق:حضرتك أحنا في مستشفى ؟ ولو حد شافك هنا معايا هتبقي مصبية.

ليردد بإمتعاض:خلاص يا ستي أنا آسف أعمل أيه بس عشان أرضيكي.

بتول بتردد:حضرتك عايز مني أيه يا دكتور أنا مليش في دلع البنات ده يعني مش انا الي في دماغ حضرتك.

زياد بإصرار:ويمكن ده اكتر حاجة شدتني ليكي بتول أنا من يوم شوفتك وصورتك مبتفرقيش خيالي الشهر الي مجتيش فيه كنت هتجنن.

بتول بعدم تصديق:حضرتك مشوفتنيش غير مرة واحدة بس ؟

زياد بحزن:مش عارف يا مش عارف كل الي عارفه اني عايزك جنبي دايما.

بتول بحذر:قصد حضرتك ايه؟

زياد بتردد:أنا بصراحة معجب بيكي يا بتول ولو توافقي تستني عليا شوية لغاية ما اقدر اقف علي رجلي وأثبت نفسي وقتها هاجي أخطبك وتتجوز.

بتول بعدم تصديق:تتجوزني أنا ؟

زياد بتأكيد:أيوة اتجوزك أنتي بس توافقي ها يا بتول موافقة تفضلي جنبي ؟

بتول بخجل: موافقة……. وافقت وهي لا تعلم أنها ستفتح علي نفسها باب لم تستطيع إغلاقه بسهولة …

……….

مرت الايام علي نفس المنوال زياد وبتول أصبحت علاقتهم قوية ودائما ما تكون بتول مع زياد في معالجة المرضي والعمليات فهو يطلبها بالاسم مما آثار تحفظات رئسية التمريض والذي علل بكفاءة بتول وهذا ما تعرفه هي بالتأكيد…..

أما عند هند وباسل فمنذ أن تصالحوا وكل منهم يحاول عدم مضايقة الآخر بشتي الطرق….

………..

أما عند هنا فوضعها كما هو تتوتر عندما يقترب منها الطبيب تتوتر وتشعر بالزعر وتنكمش علي حالها ، علم حلا وباسل بتحسن حالتها وإعتذروا لها عما بدر منهم وهي تقبلت إعتذارهم  فهم سيظلون أخوة وبتول تبيت معها دائماً بناء علي إصرارها ، كما ترفض أن تذهب الي جامعتها رفضاً باتاً لتذعن بتول لطلبها وتركها حتي تتحسن صحتها وأصبح مأنس وحدتها الوحيد هو جاسر الذي مازال يأتي لها يومياً ويسرد لها تفاصيل يومه لا تدري لما تشعر بالأمان بوجوده.

…….

في أحد الأيام.

تقف بتول امام دكتور عادل الذي ينظر للتقرير الذي بيده بتقيم.

لتردد بتوتر:ايه رايك يا دكتور ؟

ليخلع عادل عويناته الطبية مرددا بعملية: هي مش من الاوائل يا بتول وكمان تقدريراتها مش حلوة أوي لكن لو هقبلها هنا في التدريب عندي عشان خاطر أنها اختك وبس.

لتردد بتول بإمتنان: شكرا لحضرتك يا دكتور مش عارفه اقولك ايه وان شاء الله حلا تكون عند حسن ظنك.

عادل بمرح: لما نشوف ياريت تبقي كتلة نشاط زيك كده.

بتول بإبتسامة:وان شاء الله تكون افضل مني كمان…

……..

وبالفعل تم اختيار حلا ضمن الطلبة التي سيتم تدريبهم في مستشفي العهد لكن لم تخبرها بتول أنها من فعلت هذا لها لكي لا تجعلها تشعر بعرفانها عليها….

……..

في آول يوم لتدريب حلا .

ذهبت برفقة بتول وهي تنظر للمستشفي بإبنبهار شديد لتبتسم بتول فهذا كان رد فعلها بالماضي لتقوم بتعريف هنا لجميع اصدقائها بفخر وهي تقول لهم شقيقتها الدكتورة حلا.

ليجلسوا اخيرا سويا في الكافيتريا يتناولوا الغداء ليقترب منهم ويردد بمزاح:ممكن اقعد معاكم ؟ مافيش ترابيزات فاضية ؟

لتردد بتول بلهفة:اتفضل يا دكتور.

ليجلس بالعفل وينظر لحلا ويردد بفضول:مش تعرفينا يا بتول؟

بتول بفخر:دي اختي دكتورة حلا جاية تدريب هنا وده دكتور زياد يا حلا………

……..

يتبع… ……

بقلم زينب سعيد القاضي