الرواية حصري ممنوع نسخ الرواية بتاتا أو نشرها في جوربات هعمل ريبورت للجروب أو المدونة.
اللهم أجعل قبر أبي روضة من رياض الجنة .
اللهم أرحم أبي وأغفر له وأسكنه فسيح جناتك.
الفصل الثاني
تجلس خديجة تضم أحفادها بحب وتلاعبهم وهي تنظر لكريم نظرات جانبية:مالك يا كريم ساكت ليه ؟
كريم بإنتباه:مافيش حاجة يا ماما هو بابا راح شغله.
خديجة بتهكم: أه.
كريم بتساؤل:أتخانقتوا تاني؟
خديجة بسخرية:هو أنا وأبوك بنعمل حاجه غير الخناق.
لينظر كريم لصغاره ويتحدث بحنان:خدي أخوكي وألعبوا في الجنينة يا كارما.
كارما ببرأة:حاضر يا بابي يلا يا جيمي.
ليمسك الصغير ويتمسك بيد شقيقته الكبري متجهين للخارج تحت نظرات كريم المحببة.
خديجة بضيق:ممكن أفهم حضرتك سميته جمال ليه ؟المفروض تسميه علي أسم أبوك مش أبوها هي.
كريم بنفاذ صبر:ماما أنا إلي اخترت اسم جمال مش هي.
خديجة بتهكم:كده بتفرحني يعني ؟
كريم بنفاذ صبر:خلينا في المهم اتخناقتوا ليه ؟
خديجة بضيق:عشان سمعني وانا بكلم أختك وأقولها اطلقي .
كريم بتهكم: بصراحة عنده حق.
خديجة بعصبية:هو أيه إلي عنده حق يا بيه أختك ذنبها أيه تفضل طول عمرها مع راجل عقيم.
كريم بثبات:ماما تفتكري لو رنا إلي كانت هي إلي ما بتخلفش كانت والدتها معاذ الله يرحمها هتعمل كده ؟
خديجة بتهكم:لا يا حبيبي أكيد كانت هتخليه يتجوز عليها.
كريم بضيق: ماما ممكن تريحي نفسك رنا مش صغيرة وعارفة الصح من الغلط.
ليرن جرس الباب لتنهض بلهفة:قفل قفل جايلي ضيوف مهمين أفرد وشك ده.
ليحرك رأسه بيأس وهو يري والدته تفتح الباب لإحدي صديقاتها وإبنتها لينهض بتثاقل ويرحب بهم ثم يجلس مرة آخري بصمت.
لتتحدث خديجة بمرح وهي تشير للفتاة:دي رغدة طالبة عندك في سنة رابعة تصور ما كنتش تعرف انك أبني غير لما شافت صورتك هنا.
كريم بإبتسامة مقتضبة: أهلاً بحضرتك.
رغدة بخجل:مرسي يا دكتور.
خديجة بلهفة :دكتور دي هناك في الكلية هنا كريم وبس.
رغدة بخجل:بس ده لو كريم معندوش مانع مافيش مشكلة.
كريم بتهكم:أظن بعد ما قولتي كريم مفيش داعي لاذني لينهض ببرود:هروح أشوف ولادي بعد إذنكم.
لتتحدث فريدة بغيظ:أيه يا خديجة كده أبنك يحرج البنت
خديجة بأسف :حقك عليا انا لتنظر لرغدة وتتحدث بحنان:قومي يلا يا رغدة روحي أتعرفي علي الولاد.
لتنهض رغدة بخجل وتتجه للجنينة لتجد كريم يلعب مع أطفاله بالكرة لتنظر له بإعجاب شديد فمن يراه لا يظن أنه متزوج أو أب لطفلين لتتحدث بخجل :ممكن ألعب معاكم ؟
لينظر لها كريم بضيق:زي ما تحبي.
لتتحدث كارما ببرأة لوالدها:مامي لو عرفت هتزعل منك يا بابي .
ليضع كريم يده علي فهما بمزاح:خلاص يا رويتر هنلاعب طنط رغدة معانا شوية صغننين ماشي.
كارما ببرأة:ماشي يا بابي.
………..
تجلس مع والدتها تحتسي الشاي بشرود لتقترب منها والدتها بتساؤل:مالك يا شمس ساكتة ليه ؟
شمس بضيق:زهقت يا ماما حريم كل شوية مشاكل.
لتجلس سامية وتربت علي كتفها بحنان: ليه بس عشان والدته بردوا؟
شمس بضيق:أيوة.
سامية بعتاب:ماهو بصراحة عنده حق يا شمس دي والدته برده فيها ايه لما تروحي معاه خلاص يا بنتي الحكاية القديمة خلصت من زمان.
شمس بتهكم:خلصت يا ماما دي مش هتسكت غير لما تخرب بيتي.
سامية بنفاذ صبر:طول ما انتي بتتخانقي مع جوزك بسببها هتخربي بيتك فعلاً لانه هيختار أمه يا بنتي.
شمس بضيق:أعمل أيه بس يا أمي ؟
سامية بتفكير:هما هناك صح؟
شمس بإيجاب:أه مخلاش الولاد يروحوا الحضانة وخدهم .
سامية بتفكير:طيب أيه رايك تقومي وتخدي هدية حلوة وتروحي وتبدأي أنتي بالخير.
شمس بعدم تصديق:لا طبعاً يا ماما مش هيحصل.
سامية بغيظ:لا هيحصل وقومي روحي يلا بلاش نبقي أنني الوحشة و الغلطانة في نظر جوزك.
لتتنهد شمس بضيق: حاضر يا أمي لما نشوف…..………
أنهت محاضرتها وجلست بمكتبها بشرود تفكر في زوجها وتغيره المفاجئ منذ بدأت أخباره أنها تريد الذهاب للطبيب من أجل تأخر الانجاب لكن قابلها بالرفض لأن هذا الموضوع غير مهم بالنسبة لهم يأتي وقت ما يأتي فهم لديهم طفلة صغيرة والأدهى تحذيرها أن لا تذهب الطبيبة دون علمه ليهديها عقلها إلي شئ واحد أنه ندم من زواجه بها ويريد تركها ولهذا استكفي بطفل واحد لكن إذا كان هذا صحيح لما لم يتركها بعد لتحرك رأسها بيأس وتنتبه علي طرق الباب وبعدها دخول معاذ.
لتتحدث بترحاب : أهلا يا معاذ اتفضل.
ليجلس معاذ ويتحدث بضيق:فاضية نتكلم شوية ؟
فيروز بتأكيد:أكيد طبعاً اتفضل.
ليبدأ معاذ سرد ما حدث لتيحدث بأسي: أنا تعبت يا فيروز مدام خديجة بتضغط علي رنا أوي خايف تفكر تسيبني أنا مش قادر أتخيل حياتي من غير رنا أنا مبقاش ليا غيرها .
فيروز بتريث:لا اطمئن كلنا عارفين رنا بتحبك ازاي.
معاذ بتهكم:الذن علي الودان يا دكتورة.
فيروز بضيق: بصراحة أنا مش فاهمه مدام خديجة بالظبط عايزاك تطلق أنت ورنا وكريم وشمس هي هتبقي مبسوطة بطلاقهم وقعدتهم جنبها ؟
معاذ بتهكم:تقعد مين يا فيروز أنا واثق مليون المية أنها بتدور لهم علي عرسان.
فيروز بضحك:مش للدرجادي ؟
معاذ بتهكم:لا يا أختي للدرجادي المهم عايزك تتكلمي مع رنا وتحاولي تهوني عنها.
فيروز بتأكيد:اطمئن يا معاذ هكلمها.
لينهض معاذ بإستئذان:يلا هروح أنا محاضرات عايزة حاجة ؟
فيروز بهدوء: متشكرة.
ليخرج معاذ ويقابل سامر في طريقه ليسلموا علي بعضهم ويدخل سامر بمرح:صباحوا يا أم روز
فيروز بإبتسامة:صباح النور.
ليدخل سامر ويجلس أمامها ويتحدث بفضول:أيه يا بنتي مش ناوين تنزلوا البلد ولا أيه ؟
فيروز برفض:لا هننزل طبعا المهم طمني الجماعة عاملين ايه وأسمي الولاد ؟
سامر بإيجاز:بخير الحمد لله اعملوا حسابكوا تيجوا آخر الأسبوع عشان جدو زعلان منكم ومش هعرف اروح لجوزك.
فيروز بإيجاب : بإذن الله.
…..
يستند برأسه للخلف بشرود تام غير منتبه لصديقه الذي دخل للتو.
علي بتعجب: أنت يا أبني أنت معايا ؟
ساجد بإنتباه:نعم يا علي بتقول أيه ؟
علي بتعجب :بقولك سرحان في أيه ؟
ساجد ببرود:ولا حاجة.
علي بحيرة:ماشي أنا كنت جاي أقولك أني ماشي
ساجد بتساؤل:ماشي فين لسه بدري؟
علي بضيق:في مشكلة في الروضة .
ساجد بعدم فهم:طيب ما ليلي تروح.
علي بضيق:البنت رافضة حتي مبقتش تتعامل مع ليلي ولا أخوها أصلا ترجع من مدرستها وتفضل قافلة علي نفسها.
ساجد بحيرة:طيب محاولتوش تعرفوا مالها ؟
علي بضيق: حاولت مفيش فايدة غير أنها بتضرب أخوها كمان.
ساجد بتفكير:يمكن غيرانة منه مثلاً ؟
ليرفع علي كتفيه بحيرة:ممكن .
ساجد بهدوء:طيب روح أنت وأبقي طمني.
علي بتأكيد:بإذن الله سلام عليكم.
ساجد بشرود:وعليكم السلام ليغادر علي ويرن هاتف ساجد لينظر لها بإمتعاض ويرد ببرود:مش قولتلك متتصليش تاني يا ريم قولتلك ميت مرة حكايتنا خلصت وحركة إنك تلعبي من ورايا وتردي علي فيروز مش هعديها علي الأساس أن حضرتك مسمعتهاش لما ردت الآول هعديها بمزاجي لكن فيروز خط أحمر فاهمة عشان متفكريش أني ممكن أخلي واحدة زيك تدمر حياتي صدقيني رد فعلي مش هيعجبك سلام ليغلق الهاتف ويقذفه علي المكتب بإهمال ويعود لشروده من جديد....
فلاش باك.
يقف أمام غرفة العمليات هو ووالدة زوجته بخوف شديد ففيروز قد وقعت من علي الدرج وهي بشهرها السابع واهم بها في المستشفى في إنتظار أن توضع مولدتها ويطمئنوا عليها.
ليخرج الطبيب بعد فترة ويتحدث براحة: الحمد لله المدام بخير والجنين بخير.
سامية بلهفة:ينفع أدخل أشوفها ؟
الدكتور بهدوء:أتفضلي يا حاجة.
لتدخل سامية ويقترب ساجد من الطبي بقلق:خير يا دكتور وشك مش مبشر..
الطبيب بأسف......
………….
تصل منزل عائلة زوجها بإمتعاض وهي تحمل هدية كبيرة كما أوصتها والدتها لتستمع صوت أولادها بالجنين لتنظر إتجاههم بحب وسرعان ما تجحظ عيناها وهي تجد زوجها يتمسك بيد فتاة لتتجه له وجهها لا يبشر بالخير ويتجه للاطفال لها وهما يصيحون فرحا لرؤيتها لتقف أمام زوجها الذي يظهر علي وجهه علامات الذهول ومازالت الفتاة تتمسك به.
ليتحدث كريم بعدم تصديق:شمس !
شمس بتهكم:أسفة جيت قطعت عليك اللحظة يا دكتور !
كريم بثبات:دي رغدة يا شمس بنت صاحبة ماما وقعت وكنت بساعدها تقوم.
شمس بتهكم وهي تنظر لها بازدراء وهي تتجه لزوجها وبعده عنها بعنف ليختل توازن الأخري وتسقط أرضاً وهي تصرخ بألم.
ليتجه لها كريم بلهفة وهو يصيح بشمس:أيه إلي عملتيه ده يا مجنونة.
شمس بعصبية:مجنونة لأ مش مجنونة والحمد لله اني جيت عشان من أشوف خيانتك.
كريم بحيرة :خيانة أيه ؟
شمس بتهكم:العروسة يا دكتور بس تصدق أنا إلي غلطانة اني فكرت اجي لوالدتك وافتح معاها صفحة جديدة خليك مع إنت مع العروسة يا دكتور استمتع بوقت لترمي الهدية أرضا واتجهت لصغارها تجرهم بعنف وسط نظرات كريم المذهولة.
لتقترب منه والدته والدة الفتاة بفزع.
لتنتظر خديجة في آثر شمس بتساؤل:هو ايه إلي حصل ومراتك بتعمل ايه هنا؟
ليحرك كريم رأسه بحيرة:مش عارف لينهض للحاق بها لتصرخ رغدة بألم لتناديه خديجة بلهفة لحملها لينظر إتجاه زوجته التي رحلت واتجاه والدته ليعود بضيق ويحملها للداخل وبعدها يغادر سريعاً خلف والدته وأطفاله
........
يتبع…….
بقلم زينب سعيد القاضي
الفصل التالي
قصصك جميلة اتمنى لك التوفيق
ردحذفسأتابعك اينما ذهبتي
حذفجميله
حذفخالص امنياتى بالتوفيق
ردحذفرائعة ومبدعة
ردحذفجميله ورائعه
ردحذفبداية مشوقة ررررررررررروعة
ردحذفانا متابعه لكي وين مارحتي بازوزو قلبي
ردحذففين الفصل اللى بعده
ردحذففيه ايه كلهم حياري ..قلقانين .متوترين.محدش عايز يواجه ..يتكلم بصراحة مع الطرف التاني
ردحذفرائعه
ردحذفتم
ردحذفتم
ردحذفروعه
ردحذفأكثر من رائعه
ردحذفجميله
ردحذف🤎🤎🌹🌹💙💙💜💜💚💚
ردحذف❤️❤️❤️❤️
ردحذفروعة بالتوفيق ياقلبي
ردحذفبالتوفيق الدائم
ردحذفتحفه تسلم ايدك حبيبتي منتظرين منك المزيد من الابداع
ردحذفروووووعة تسلم إيدك تحفة يا مبدعة
ردحذفحلوة
ردحذفبدايه رائعه ومقلقه وشكلنا هندخل علي وجع بسبب ام كريم وربنا يستر من اللؤ جاي
ردحذفروووووعه بجد
ردحذفجميله
ردحذفرائعة كعادتك ابنتى الغالية
ردحذفخديجة بتخطط والظروف بتساعدها
ردحذفرؤعه
ردحذفحلوه اوي
ردحذفجميله جدا
ردحذفهو فيه ام سيئه للدرجة دى تطلق بنتها وتخرب بيت ابنها لازم جوزها يقفلها عشان اولاده روعة زوزو 👍🌹💖
ردحذفتم
ردحذفجميلة جدا جدا جدا يارب من نجاح إلى نجاح
ردحذفإرسال تعليق
أترك تعليقا