اللهم ارحم ابي و اسكنه فسيح جناته.
اللهم أجعل قبر أبي روضة من رياض الجنه.
الفصل الثالث
فريد بصدمة: أية كمية الشر والغل دي كلها ؟ طول عمري بعاملك زي أخويا وعمري ما قصرت معاك في حاجة رغم أني عارف أن أي حاجة في إيدي بتطمع فيها أقول معلش ده صاحبي وأخويا وأسكت وسكوتي خلاك تطمع كمان في البنت الوحيدة الي حبيتها ؟ انت محبتش حلا وعمرك ما هتحبها هو بس حب تملك أي حاجة في إيدي لازم أنت تاخده.
لينهض مازن ويصقف بيده مرددا بتهكم:هايل حلو المشهد ده تستحق جائزة الأوسكار علي فكرة.
لينظر له فريد ويردد بغيظ: أنت كمان بتتريق أنا بصراحة مش عارف أنت مخلوق من أيه أنت الي زيك عار على البشرية أصلاً.
ليردد مازن بملل:خلصت الفيلم الحمضان بتاعك ده ؟ أتفضل يلا من غير ما طرود أنا عايز أنام.
ليردد فريد بتحدي:ماشي يا مازن بس خليك فاكر هندمك علي كل عملته يا مازن والأيام ما بينا.
ليردد مازن ساخرا : علي راحة راحتك المهم أني كسرتك.
لينظر له فريد بتوعد ويغادر صافعا الباب خلفه بعنف…….
…….
في الصباح .
تستيقظ بتول وتنهض لتجهيز الافطار وبعدها تذهب لهنا وتقوم بإيقاظها.
لتنهض هنا بوهن:صباح الخير يا بتول.
بتول بإبتسامة:يلا قومي عشان تذاكري أنا راحة المستشفى هفك الجبس النهاردة.
لتعتدل هنا وتردد بقلق:هتفكي الجبس النهاردة ؟
بتول بتأكيد: أيوة.
هنا بإصرار:خلاص هاجي معاكي.
بتول برفض:لا طبعاً مش هينفع أنتي تقعدي تذاكري وبعدين أنا لما أفكه هنزل الشغل قومي انتي بس افطري وصحي حلا تغطى معاكي وانا هاخد هدوم لباسل واعدي علي باسل اطمئن عليهم وأودي ليه هدوم.
هنا بتساؤل:طيب أجي معاكي ؟
بتول برفض:با يا حبيبتي خليكي انتي يلا سلام عليكم.
هنا بقلة حيلة:وعليكم السلام……
………
في المستشفى.
تصل بتول الي غرفة هند وتطرق الباب وتدخل لتجد باسل يجلس جوار هنا ويقوم بإطعامها ووالدتها تقف جوراهم لتردد بمزاح:الله الله علي العرايس الحلوين عيني عليكوا باردة.
سماح بإبتسامة: القمر بتاعنا وصل أهو.
باسل بإبتسامة:جاية بدري كده ليه؟
لتقترب منهم وتردد بإبتسامة:اصلي هفك الجبس وأرجع الشغل وقلت أعدي عليكم اخبارك ايه يا هند؟
هند بوهن: الحمد لله يا بتول.
بتول بإبتسامة: الحمد لله علي كل حال صحيح في حاجة عايزة اعرفها ليكم.
باسل بتساؤل:خير؟
بتول باسف:حلا فسخة خطوبتها .
باسل براحة: بجد طيب الحمد لله مكنتش مرتاح ليه بصراحة.
سماح بفضول: فجأة كده؟
بتول بنفي :لا خلاف حصل مع والدته وطلبت شقة وهو رفض ففسخوا الخطوبة عشان كده.
باسل بهدوء:ربنا يعوضها بالاحسن منه .
بتول بتمني:يارب يا حبيبي يلا أنا همشي بقي عشان منتاخرش لتمد يدها بالحقيبة وتردد:دي هدوم ليك لو حبيت تغير.
باسل باتمنان: شكرا يا بتول بصراحة جت في وقتها.
بتول بإبتسامة:ماشي يا حبيبي لتكمل بتساؤل:هتخرجوا إمتي ؟
سماح بحيرة:الدكتور قال احتمال النهاردة.
بتول براحة:طيب الحمد لله خير لتردد بخفوت باسل عايزاك بره ثواني .
باسل بايجاب: تمام.
……..
في الخارج.
يقف باسل مع بتول ويردد بتساؤل:خير يا بتول محتاجة حاجة ؟
بتول بإبتسامة:سلامتك يا حبيبي لتضع يدها بحقيبتها وتخرج بعض الأموال وتمد يدها لباسل بهم.
ليردد بتساؤل:أية دول؟
بتول بحنان:خليهم معاك هند دلوقتي مراتك واكيد في فلوس مستشفى وفي فلوس علاج.
باسل بإمتنان:تسلمي يا بتول معايا فلوس.
بتول بإصرار: عارفة يا حبيبي بس خليهم معاك.
باسل بإحراج:ماشي يا بتول تسلمي .
بتول بإبتسامة:طيب همشي أنا يلا سلام عليكم.
باسل بإبتسامة:وعليكم السلام.
……….
تستيقظ حلا من نومها بتكاسل علي صوت هاتفها لترد بنوم:ألو لتعتدل في جلستها وتردد بلهفة:فريد خير نتقابل دلوقتي! تمام مفيش مشكلة نص ساعة وابقي عندك سلام لتغلق الهاتف وتردد بحنين: أخيرا يا فريد هنرجع تاني لبعض……..
…….
تصل بتول المستشفى وتلاحظ تجنب الجيمع منها وأيضاً تهامسهم عليها لتنظر لهم بريبة وتتجه لرئيسة التمريض وتردد بإبتسامة:صباح الخير يا مس عايدة.
عايدة بإمتعاض:صباح النور.
بتول بتوتر: أنا هفك الجبس النهاردة وأرجع الشغل.
لتردد بإقتضاب:معتقدش ينفع.
بتول بعدم فهم:يعني إيه ؟
لتمد عايدة يدها بورقة لبتول لتمسكها بتول بايدي مرتعشة وسرعان ما تجحظ عيناها تردد بتوتر:حضرتك فاهمة غلط.
عايدة بعصبية: فاهمة ايه أن حضرتك مكنتيش في إجازة
مرضية وكنتي متهمة في جريمة قتل.
بتول بصدق:والله العظيم كنت مظلومة وربنا شاهد عليا ودكتور عادل كان عارف كل حاجة.
لتردد عايدة بعدم تصديق:لا والله كمان بتتهمي دكتور عادل أنه كان عارف ومتستر عليكي.
بتول بلهفة:والله ما قصدي كده قصدي أنه كان عارف بقضيتي وهو إلي عمل ليا الإجازة وكمان الفيش الحنائي موجود بالفولدر بتاعي وتقدري ترجعي لشئون العاملين وتتأكدي من ده.
عايدة بعدم تصديق: ولو كلامك طلع غلط ؟
بتول بلهفة:تقدري تتاكدي بنفسك.
عايدة بحزم:لما نشوف بس حتي لو ده حصل دكتور بيجاد لازم يكون عارف بده.
بتول بتوتر : تمام.
عايدة ببرود:تقدري تروحي تفكير دراعك ولينا كلام تاني.
بتول بقلة حيلة:حاضر…….
…….
في أحدي الكافيهات المطلة علي النيل تجلس حلا تنظر لباب الكافيه بترقب لتتنهد براحة عندما تجد فريد يدخل ويردد بأسف:أسف علي التأخير.
حلا بلهفة:لا ولا يهمك متأخرتش ولا حاجة.
ليأخذ فريد نفس عميق ويردده ببطئ:أنا روحت لمازن.
حلا بلهفة:بجد وايه الي حصل ؟
فريد بهدوء:كلامك صح.
حلا بلهفة:بجد يعني صدقتني.
فريد بتأكيد:أيوة بس تفتكري ده مهم قي أيه ؟ يعني انتي كان فرحك الاسبوع الجاي وأنا كاتب كتابي.
ليمتعض وجه حلا وتردد بصدمة:يعني ايه ؟ مش هينفع نرجع لبعض ؟ أنا وزياد خلاص افترقنا.
فريد بتردد:ينفع بحل واحد وحاليا مقدمناش غير كده لو أنتي بتحبيني فعلا تقبلي به.
حلا بلهفة:حل أيه ؟
فريد بحذر:نتجوز في السر.
لتشهق حلا وتردد بعدم تصديق:نتجوز في السر انت بتقول ايه طبعاً يستحيل.
فريد برجاء:مقدمناش غير كده يا حلا أنا حاليا داخل شغل كبير مع حمايا ولو أنفصلت عن سلمي هخسر كتير وهي كمان بنت كويسة مش هقدر أذيها ولا أكسىرها.
لتبتسم بألم:بجد ! مش هتقدر تكسرها ؟ لكن تقدر تكسرني أنا وتوجع فيا صح ؟
فريد بحزن:غصب عني يا حلا أنا دلوقتي بين نارين والله العظيم هعلن جوازنا في أقرب وقت أطمني.
لتردد ساخرة:أقرب وقت وطلق مراتك أمتي ؟
فريد بهدوء:هعلن جوازنا بس مش هطلقها لأنها متستهالش أني أغدر بيها فكري براحتك يا حلا مستني رأيك بس لو رفضتي طلبي هعتبر أن قصتنا انتهت للأبد بعد إذنك فكري براحتك وردي عليا لينهض ويغادر تاركاً أياها في صدمتها……
…….
عند هند.
يحضر والدها ويطمئن عليها بعد فترة يحضر الطبيب ويطمئن عليها ويكتب لها تصريح خروج علي أن تظل براحة تامة لمدة أسبوعين.
ليردد باسل بفرحة: الحمد لله هروح أخلص الورق عقبال ما تجهزوا.
جاد بلهفة:استني يا بدابني هاجي معاك عشان الحساب .
باسل بعتاب:حساب أيه يا عمي ؟ هند خلاص مراتي وملزمة مني.
جاد بنفي:بردو يا أبني هي لسه في بيتي.
باسل بإصرار:عمي ريحي نفسك وخليك هنا مرتاح بعد إذنكم .
ليتحرك سريعاً ويردد جاد بقلة حيلة:مكنتش عايزه يدفع.
سماح بحنان:والله عمال يكبر في نظري الواد ده.
جاد بإبتسامة:عندك حق بس أنا عارف العين بصيرة والأيد قصيرة.
سماح بحزن:ربنا يرزقهم أن شاء الله يلا يا هند عشان تلبسي.
هند بشرود:حاضر يا أمي.
………
في المستشفى.
تطرق بتول باب مكتبه بيجاد وتدخل بعد سماع الإذن وتردد بتوتر:صباح الخير يا دكتور.
بيجاد بحيرة:صباح النور يا بتول خير جاية ليه ؟
بتول بإحراج:هفك الجبس النهاردة.
بيجاد بتذكر:اه صحيح معلش نسيت تعالي نروح اوضة الكشف.
بتول بتردد :ثواني بس يا دكتور في حاجة تانية حصلت وعايزة اعرفها لحضرتك.
لينظر لها بانتباه:حاجة إيه؟ خير ؟
بتول بتردد وإحراج:حضرتك عارف بقضيتي أنا وهنا صح ؟
بيجاد بتفهم: أكيد طبعاً.
لتتنهد براحة وتسرد له ما حدث ليردد بحيرة:ومس عايدة الورقة دي وصلت ليها والممرضات دول عرفوا منين ؟
بتوتر بتوتر: بصراحة شاكة في دكتور زياد.
بيجاد بعملية: زياد ؟ طيب ليه هيعمل كده ؟ ده أنتي حتي أخت خطيبته ليردد بنبرة ذات معني ليه هيعمل كده ؟ غريبة أوي!
بتول بأسف:هو وحلا اتخانقوا وفسخوا الخطوبة إمبارح.
بيجاد بإستنكار:نعم ! فشكلوا إمبارح وجارتكوا اتعمت أول إمبارح وكتب كتاب أخوكي كان إمبارح ده إيه الفيلم الأبيض والأسود الي أنتي طالعالي منه أنتي وأخواتك ده ؟
بتول بإحراج: النصيب يا دكتور.
ليزفر بملل: طيب اقعدي ليرفع سماعة هاتفه ويردد بعملية أبعتيلي دكتور زياد نصار علي مكتبي ليه السماعة ويتحرك بكرسيه بعشوائية ليطرق الباب بعد دقائق ويدخل زياد ووجه متورم بسبب ما حدث أمس.
لينظر لبتول بحقد ويردد ببرود: خير يادكتور.
بيجاد بتساؤل:ايه الي في وشك ده ؟
ليلتف زياد لبتول ساخرا:الي في وشي ده بسبب عشيق اخت الهانم.
بتول بعصبية:اخرس يا واطي هتكدب الكدبة وتصدقها.
بيجاد بحزم:بس انتوا الاتنين مش عايز صوت كلامك معايا دلوقتي بتول بنتهم حضرتك انك عرفت الي شغالين في المستشفى أنها كان مسجونة قبل كده وكمان قدمت الورق ده لمس عايدة صح ولو غلط.
زياد ببرود:اه حصل مش المفروض يعرفوا حقيقتها وانا الغبي الي قولت يا واد مش مهم أنها كانت مسجونة وأخطب أختها وفي الآخر يعملوا فيا كده !
بتول بصدمة:عملنا فيك أيه يا شيخ ربنا ينتقم منك وممكن أعرف جنابك عرفت اني كنت مسجونة منين وحبيت الورق ده منين!
ليبتسم زياد ساخرا:عرفت منين يوم ما جيتي المستشفى ودخلتي لدكتور عادل وقتها كنت داخل ليه وسمعت قضية وبراءة والباشا إلي كل شوية يجي هنا مشيت وراه لغاية ما راح مستشفى نفسي ليا دكتور حبيبي شغال هناك وسألته بيزور مين عرفني أنه بيزور المحروسة هنا ولما عرفت الإسم مخدتش في بالي غير لما حلا جت وبعدها شوفت إسمها وأنها أختك ورجعت لصاحبي عرفني حكايتها ولا فاكرة اني كنت هرتبط بيكي أنتي أو أختك كده عمياني وماشاء الله عليكم عيلة مشرفة الأخت الصغيرة كانت هربانة مع واحد وجنابك قتلتيه وشلتي الليله والهانم إلي كنت خاطبها ظهر ليها عشيق وعامل ليها جيمس بوند وجنابك مصاحبة مدير المستشفى والله اعلم بينكم ايه كمان.
لينهض بيجاد ويخبط علي مكتبه بعنف:أخرس أيه الكلام الفارغ ده أتفضل اطلع بره انت مرفود.
زياد بعصبية:اه عايز ترفدني عشان مفضحكش أنت والسنيورة ليفتح باب الكتب سريعاً ويصيح بعصبية أنتوا يا دكاترة تعالوا شوفوا صاحب المستشفى إلي شغالين فيها وهو مقضيها مع الممرضة لا وكمان بجح وبيطردني من المستشفى مش كفاية أنها رد سجون وأخواتها واحدة كانت هربانة مع عشقها والهانم الي كنت هتجوزها لقت عريس متريش عني فسخت الخطوبة أشهدوا يا ناس اشهدوا علي رب عملكم الديوث .
ليجتمع العديد من الأطباء والممرضين يستمعوا لحديثهم وسط صدمة وذهول وبتول ودموعها التي تتساقط بغزارة ولسانها يكاد أن يكون قد شل من هول ما سمعت وقدمها أصبحت كلهلام لا تحملها.
بينما بيجاد يقف بثبات يربع يده علي صدره ويتحرك بخطي بطيئة للخارج ويقف أمامه ويردد ببرود:خلصت ؟
زياد بتهكم:اه خلصت هتبعت للأمن عشان يرموني بره أنا أصلا هستقيل ميشرفنيش أشتغل في مكان زي ده.
ليبتسم بيجاد ساخراً: فعلاً لأن أنت إلي بتوسخ المكان وكل كلمة قولتها في حقي أنا ومراتي هتتحاسب عليه واظن الكل موجود وشاهد علي الي حصل.
زياد بتهكم: مراتك ؟ هو انا عارف مراتك ولا جبت سيرتها اصلا!
ليردد بيجاد بتحدي:أيوة بتول تبقي مراتي…….
يتبع…….
بقلم زينب سعيد القاضي
الروايه تحفه دمتى مبدعه
ردحذفاحسنتى🔥🔥
ردحذفتحفة يا زوزو
ردحذفتحفه
ردحذفجميل جدا
ردحذفجامد جدا
ردحذفتحفة
ردحذفرووووعة
ردحذفعسسسسسسل
ردحذفالبارت تحفه بجد وبيجاد رد اعتبار بتول
ردحذفايه الجمال والروعة والإبداع ده تحفة تسلم إيدك بجد متميزة
ردحذفجميل جدا بس في حاجه ياريت خلا متوفقش علي الجواز السر لو هيا فعلا اتغيرت بس لا مظنش حلا هتتغير لان الحقد ةالغل لسا ماليها ولو بجد فاريد بيحبها مش هيطلب منها كدا أنهم يتجوزو في السر ولو علي سلمي بيقول ميقدرش يكرسها طب ماهوا كدا كدا هيكسرهابجوازو من حلا
ردحذفروعة
ردحذفجميله جدا جدا
ردحذفروووعه يا احلا كاتبه
ردحذفاحسنتي
ردحذفرووووعه
ردحذفروعة وجميلة اخير بتول هى وبيجاد ها يتجوزوفريد الحقير عايز يتجوز حلا فى السر ياريت حلا ترفض وتبقى اتغيرت وتعمل لنفسها قيمة فى انتظار القادم بشوق كبير دومت مبدعة ورائعة
ردحذفحلوة اوي
ردحذفايوه بقي اخيرا بيجاد هايتجوز بتول
ردحذفتم
ردحذفمبدعة رووووعة بتول مسكينة وبتستاهل كل خير
ردحذف🥰🥰🥰🥰🥰🥰🥰🥰🥰🥰🥰🥰
ردحذفاخيرا ي بيجاد لقد هرمنا لأجل هذه اللحظة
ردحذفالله عليكي هو ده الكلام بيجاد كده هيتحوز بتول
ردحذفلازم حلا ما توافق ع طلب فريد مهما كان
ردحذفبجد اكتر من رائعه 👍🌹♥️
ردحذفجميله جدا جدا
ردحذفروووووعه ياريت حلا ترفض الجواز في السر
ردحذفروعه قراته اكتر من مره
ردحذفابدااااااااع ابدااااااااع ابدااااااااع ابدااااااااع ابدااااااااع
ردحذفايه الجمال ده
ردحذفاحسنتي
ردحذفبرافو عليك يا بجاد كده تمام في الجون كله يخرس بتول مرات المدير
ردحذفيااا وقفتي هنا ليييه😍🔥🔥🔥🔥
ردحذفايه الحلاوه دي البارت جامدجدا جدا جدا تسلم ايدك
ردحذفحلوه اوي اوي
ردحذفتحفةرررررروعة
ردحذفالله عليكى يازوزا
ردحذفبيجاد ده طلع عظمه
ردحذفإرسال تعليق
أترك تعليقا