النوفيلا مسجلة حصري اي نشر أو نسخ سيتعرض للمسألة القانونية.
اللهم ارحم ابي و اسكنه فسيح جناته.
اللهم أجعل قبره روضه من رياض الجنه.
نوفيلا الذئب الحارس
الفصل الآول
يترجل من سيارته ويخلع نظارته الشمسية ويتجه للداخل برفقة البواب والسمسار .
ليتفحص المنزل بإنبهار شديد مرددا بحيرة: إزاي فيلا دورين بالجمال ده لأ وكمان جنينة واسعة بالجمال ده و يبقي ده سعرها !
لينظر السمسار البواب بتوتر ليتحدث السمسار بحيرة:والله ما عارف يا باشا أنا مجرد حلقة وصل بينكم مش اكتر هو طلب السعر ده وانا بلغت حضرتك به لو مناسبك تمام.
ليصمت الآخر قليلاً ويتأمل المنزل ببصره فهي بالفعل سعرها بخس وموقعها متميز وكذلك مشطبة بالكامل وهذا ما يريده ليردد بعملية:خلاص هشتريها .
السمسار بإبتسامة:تمام يا باشا هكلملك صاحبها ونمضي العقود.
لينظر نظرة أخيرة للفيلا ويغادروا للخارج يتحدثون دون أن يغلق السمسار الباب
ليغلق الباب بشدة خلفهم لينظروا له بتعجب ليردد الشاب بتساؤل:هو الباب ازاي قفل جامد كده لوحده؟
السمسار بعفوية:يمكن من الهوا.
الشاب باستنكار:هوا ؟ هو فيه هوا في شهر أغسطس.
البواب بتوتر: بصراحة يا بيه أن مش برتاح للفيلا دي أصلا وكل لما حد يشتريها ميكملش اسبوع ويبعها.
الشاب بفضول:ليه يعني ؟
البواب بتوتر:العلم عند الله يا بيه أنا اصلا مبقعدش هنا أنا باجي اشقر عليها كل كام يوم من بره وامشي .
السمسار بضيق:يعني هيكون فيها إيه انت كمان يا بيه ده راجل علي اده والباب قفل لوحده عشان كان متوارب مثلا.
الشاب باللامبالاة:مش هتفرق المهم جهز العقود وكل حاجة وانا هاجي من بكره أنا وعيلتي نقعد فيها .
السمسار بإبتسامة: أوامرك يا باشا يلا بينا ليتجه الشاب والسمسار للسيارة.
ويتجه البواب لغلق البوابة بخوف شديد ليجد مخالب تقبض علي يده ليصرخ بفزع:بسم الله الرحمن الرحيم بسم الله الرحمن.
ليسقط بعدها أرضاً علي ظهره بسبب دفعة قوية وتغلق البوابة بعنف..
لينتفض البواب وينهض يركض بعيداً وهو يردد بجنون اللهم احفظنا اللهم احفظنا…….
…….. زينب القاضي……
يفتح باب الشقة وهو يطلق الصفير ليجد طفلته الصغيرة تركض تجاهه لحملها بلهفة:قلب بابي رهف.
رهف بعبث طفولي:اتاخرت كده ليه يا بابي ؟
والدها بأسف:غصب عني يا روح بابي بس كنت بحضر ليكي مفاجأة حلوة اوي.
تطلع ايه المفاجأة دي يا امير الي تأخرك كل ده ؟قالتها شابة جميلة ية بوجه أبيض مستدير وعيون سوداء كالليل .
ليردد بغيظ:يا سلام انتي وبنتك عليا طيب مش هقول ليكم.
لتنظر لطفلتها وينظروا له بشر ليردد بلهفة:خلاص خلاص بلاش بصيتكوا دي بخاف منكم روحت اشتريت فيلا بجنينة زي ما كنتتوا عايزين.
لتصيح رهف بسعادة بينما تتحدث زوجته بعتاب:بردوا عملت الي في دماغك يا أمير أكيد غالية ودفعت مبلغ كبير.
ليحرك رأسه برفض:لا يا وعد سعرها رخيص جدا بنص مليون جنيه وكمان مفروشة.
لتردد وعد بعدم تصديق:فيلا بنصف مليون أنت بتهزر صح ؟
امير برفض :لا بتكلم جد أنا مكنتش مصدق السعر أصلا لكن روحت وشفتها فعلا.
لتضم وعد حاجبيها بحيرة:غريبة بصراحة ليه سعرها كده.
ليرفع كتفيه بالمبالاة:يا ستي كبري يمكن صاحبها مزنوق في قرشين ولا حاجة المهم أنا خلاص اشتريتها ودفعت الفلوس كمان وهننقل من بكره.
وعد بحيرة:مش عارفة يا أمير مش مرتاحة ليه.
امير بتذمر: وعد يا حبيبتي افرحي يا ماما متعرفيش تفرحي شوفي امك يا رهف احنا هنروح الفيلا ونسيبها.
لترفع وعد أحدي حاجبيها متهكمة:والله انتوا تقدروا تعيشوا من غيري أصلا …
………
يفتح باب شقته ويدخل وهو ينتفض وينهج من كثرة الركض لتقترب منه زوجته بقلق:مالك يا راجل في أية ؟
الرجل بذعر:أنا مش هروح الفيلا دي تاني خلاص انا اكتفيت .
زوجته بضيق: يادي الفيلا يا راجل ده كلام ناس عاقلة ؟
عفاريت ايه بس انت لو قولت كده لحد الناس هتضحك عليك يا صابر.
صابر بغيظ:ما هو انتي لو روحتي وشفتي الي أنا شوفته مش هتقولي كده يا أختي.
لتمصمص زوجته شفتيها متهكمة:المهم المشتري عجبته الفيلا ؟
صابر بتهكم:طبيعي تعجبه فيلا ايه قصر بالمنظر ده ومفروش طبيعي يبقي اهبل لو سابها يا عايدة.
لتردد عايدة ساخرة:اهبل والله ما فيه اهبل غيرك يا سابعي.
لينظر لها شذرا ويتجه لغرفته لينام……..
……
في مكان آخر.
يغلق الرجل سماعة الهاتف وعلي وجهه إبتسامة عريضة لتردد زوجته بلهفة: بعت الفيلا صح.
ليتنهد براحة: أخيرا خلصت منها.
زوجته بلهفة: الحمد لله دي لعنة وكان لازم نخلص منها يا عادل.
عادل بتفهم:عندك حق اعملي حسابك لازم نسافر بكره او بعده بالكتير يا نورة.
نورة بتساؤل:ليه ؟
ليبتسم متهكما:قبل ما المشتري يجي هنا عشان يرجع الفيلا.
نورة بإمتعاض:لا أنسي احنا مصدقنا…….
…….
في اليوم التالي.
يتوقف أمير بسيارته أمام البيت ويترجل من السيارة ويقوم بفتح البوابة الخارجية وبعدها يعود للسيارة يقودها مرة آخري ويقف أمام الباب الداخلي ويترجل من السيارة ليغلق البوابة ليتفاجئ بالبوابة مغلقة لينظر لها بحيرة.
لتترجل زوجته وهي تحمل الطفلة وتردد بتساؤل:واقف كده ليه ؟
امير بحيرة:كنت رايح اقف الباب لقتها اتقفلت لوحدها.
لتردد وعد بتوتر:غريبة دي.
أمير بهدوء:يلا ندخل يمكن الباب في مشكلة نزلي رهف تلعب.
لتنزل الصغيرة التي أصبحت تركض في الجنينة وتقطف الزهور بسعادة تحت نظرات والديها.
ليردد بإبتسامة:تعالي افرجك علي الفيلا ونسيبها تلعب براحتها.
وعد بإماءة بسيطة:حاضر.
اتجه للباب الداخلي ويقوم بفتحه ويفتح زر الإنارة ويشير لزوجته بالدخول والتي فور أن دخلت أصبحت تنظر للبيت وأثاثها بانبهار شديد لتردد بعدم تصديق:تحفة ازاي صاحبها يبعها بالسعر ده فعلا.
ما كاد أن يجيب الا وأستمعوا لصراخ الصغيرة بالخارج ….
يتبع……
#نوفيلا الذئب الحارس #
#زينب القاضي #
شكلها حيكون جامد ورعب كمان
ردحذفالبدايه تجنن يازوزو
ردحذفيارب
ردحذفتحفة أموت في الرعب
ردحذفأنا خفت🥺🥺🥺🥺
ردحذفجميله بداية موفقة يا زوزو
ردحذفجميله شكلها تحفه
ردحذفقشطه عليكى يا زوزو فى الرعب وجمالوا
ردحذفمنتظره الجديد
ردحذفإرسال تعليق
أترك تعليقا